ArmLur.am-ը տեղեկացավ, որ Գլխավոր դատախազությունը ուսումնասիրում է ԱԺ այսօրվա միջադեպը: Մեր տեղեկություններով՝ դատախազների խումբ է ստեղծվել միջադեպը ուսումնասիերլու և հասկանալու համար, թե արդյոք քրեական գործ կհարուցվի, թե ոչ և ինչ ընթացք կտրվի միջադեպին:
Քիչ անց կներկայացնենք, թե ԱԺ այսօրվա միջադեպը որ մարմին կուղարկվի՝ քննություն իրականացնելու համար:
Հիշեցնենք, որ Ազգային ժողովի փոխնախագահ Ռուբեն Ռուբինյանի աշխատասենյակում «Քաղաքացիական պայմանագիր» խմբակցության ներկայացուցիչները դաշնակցական երիտասարդներին, որոնք պատգամավորների օգնականներ են, «հաշիվ մաքրելու» են կանչել, ինչից հետո ծեծկռտուք է սկսվել:
ArmLur.am-ի տեղեկություններով՝ ամեն բան սկսվել է այն բանից հետո, երբ երիտասարդները ԱԺ «Քաղաքացիական պայմանագիր» խմբակցության պատգամավոր Հրաչյա Հակոբյանի բարևին չեն պատասխանել:
«Հայաստան» դաշինքից մեզ փոխանցեցին, որ «ռազբորկայի» մասնակիցների մեջ են եղել իշխանական պատգամավորներ Հրաչյա Հակոբյանը, Վահագն Ալեքսանյանը, Սիսակ Գաբրիելյանն ու գուցե այլք:
ՔՊ-ական պատգամավորներն իրենց օգնականների հետ միասին մոտ 30 հոգով են եղել ու հարձակվել «Հայաստան» խմբակցության պատգամավորների 3 օգնականների վրա: Տեղեկացանք նաև, որ վնասվել է պատգամավոր Արմենուհի Կյուրեղյանի օգնական Տարոն Ղազարյանի աչքը:
.gif)
