Վարտիքի մեջ ադամանդներ թաքցրած Ուզբեկստանի քաղաքացուն բերման են ենթարկել

Ուզբեկստանի քաղաքացին ձերբակալվել է «Վնուկովո» օդանավակայանում՝ փորձելով մաքսանենգ ճանապարհով տեղափոխել ավելի քան 5 միլիոն ռուբլի արժողությամբ ադամանդ, որը նա թաքցրել էր ներքնազգեստի մեջ։ Հուլիսի 26-ին Ռուսաստանի Դաշնային մաքսային ծառայության տվյալներով՝ հայտնաբերված քարերի իսկությունը հաստատվել է փորձաքննությամբ։

ԱՄԷ-ից ժամանած 39-ամյա տղամարդու ուղեբեռը սկանավորելիս հայտնաբերվել է Apple, Samsung և Sony սարքավորումներով 13 տուփ, ինչպես նաև թանկարժեք քարերի 40 վկայական, նշում է Gazeta.Ru-ն։ Երբ հյուրին առաջարկվել է կամովին հանձնել վերահսկողությունից թաքցված ապրանքը, նա պատասխանել է, որ այդպիսիք չունի։

«Սակայն քաղաքացու անձնական խուզարկության արդյունքում մաքսավորը նրա ներքնազգեստի մեջ հայտնաբերել է թանկարժեք քարեր։ Զարդերը փաթեթավորված են եղել կպչուն ժապավենով փաթաթված երեք պոլիէթիլենային տոպրակների մեջ»,- ասված է մամուլի ծառայության հաղորդագրության մեջ։