Բայդենն Ուկրաինային թողեց առանց ֆինանսավորման

ԱՄՆ նախագահ Ջո Բայդենը ստորագրել է կառավարության ֆինանսավորման մասին օրինագիծը, որը չի ներառում լրացուցիչ օգնություն Իսրայելին և Ուկրաինային, հայտարարել է Սպիտակ տունը։

«Նախագահը ստորագրել է 2024 թվականի շարունակական հատկացումների և այլ ֆինանսավորման երկարաձգման ակտը, որը տրամադրում է 2024 ֆինանսական տարվա հատկացումներ դաշնային գործակալություններին մինչև 2024 թվականի հունվարի 19-ը: Խոսքը չորս հատկացումների միջոցով ֆինանսավորվող նախագծերի մասին է», – ասվում է Նախագահի հայտարարության մեջ: