Առաջիկայում տեղի կունենա ՀՀ-ի և Ադրբեջանի սահմանազատման հանձնաժողովների հանդիպումը

Հայաստանի և Ադրբեջանի սահմանազատման հանձնաժողովները, որոնք գլխավորում են երկու երկրների փոխվարչապետեր Մհեր Գրիգորյանն ու Շահին Մուսթաֆաևը, առաջիկայում նոր հանդիպում կանցկացնեն։ Այս մասին լրատվամիջոցներին հայտնել են փոխվարչապետ Գրիգորյանի գրասենյակից՝ հավելելով, որ կոնկրետ ամսաթիվը դեռևս հայտնի չէ։

Հիշեցնենք, որ երեկ Ադրբեջանի նախագահ Իլհամ Ալիևը տեղի լրատվամիջոցներին հայտնել էր, որ հանդիպումը տեղի կունենա հունվար ամսվա ընթացքում։