«Ես չեմ կարող ասել, որ մեր դատարաններն ամենաարդարն են»:

Հայաստանի Հանրապետության արդարադատության նախարարը, իհարկե, կուզեր մեր դատարանների մասին նման լավատեսական կարծիք հայտնել, բայց ուր էր թե հալվա ասելով՝ Հրայր Թովմասյանի բերանը քաղցրանար: Հայկական արդարադատությունը դեռ շատ հեռու է արդարադատ համարվելուց, եւ ով-ով, բայց նախարարի պաշտոնը զբաղեցնող անձը շատ լավ պետք է իմանար, թե ոլորտի հետ առնչվող մեր հայրենակիցները որքան դժգոհ են հայրենի դատարաններից, կոռուպցիայի ծավալներից, ապօրինի վճիռներից: Ավելին, մեր իրականությունում արդար դատավճիռներն են զարմանք հարուցում: Ինչքա՞ն ժամանակ պետք է այսպես շարունակվի: