Armlur.am-ի տեղեկություններով, երեկ` մայիսի 31-ին, Մոսկվա-Գյումրի չվերթի ինքնաթիռում ուղևորներից մեկն անհարգալից վերաբերմունք է դրսևորել օդանավում գտնվող անձնակազմի նկատմամբ:
Մեզ հասած տեղեկությունների համաձայն` տղամարդը եղել է խմիչքի ազդեցության տակ և 20 րոպե շարունակ խուլիգանական հայհոյանքներ է արել ինքնաթիռում: Վերջինս հայ է և ՌԴ քաղաքացի: Տղամարդը նաև փորձել է հարվածել բորտուղեկցորդուհուն: Գյումրու Շիրակ օդանավակայանում վայրէջք կատարելուց հետո տղամարդը բերման է ենթարկվել:
Ոստիկանության լրատվական վարչությունից մեզ փոխանցեցին, որ նման դեպք տեղի ունեցել է և կատարվում է հետաքննություն:
.gif)
