Հունգարիայում սիրիացի փախստականները հասել են հուսահատության գերագույն աստիճանի: Ինչպես գրում է Sky News-ը, հարյուրավոր փախստականներ բախվել են ոստիկանների հետ, ովքեր նրանց ստիպել են իջնել գնացքից ու գնալ ներգաղթյալների համար նախատեսված ճամբար:
Գնացքը Հունգարիայից դեպի Ավստրիա է ուղևորվելիս եղել: Sky News-ի լրագրողը տեսագրել է, թե ինչպես է փոքր երեխան ձեռքին մայրը լացում ու կշտամբում ոստիկաններին, ովքեր նրանց չեն թողնում գնացք բարձրանալ:
Ընտանիքի հայրն ամենայն հավանականությամբ չի կարողացել զսպել իր էմոցիաներն ու կնոջն ու երեխային նետել երկաթգծի վրա, ինչից հետո նրան ձեռնաշղթա են հագցրել ու տարել:
Հավելենք, որ Սիրիայից մինչեւ Հունգարիա ճանապարհն անցնելու համար փախստականների ընտանիքները ստիպված են լինում անցկացնել բազմաթիվ վտանգներով ու ռիսկերով լի 10 օր, սակայն այնտեղ էլ նրանց գրկաբաց սպասողներ չկան:
.gif)
