Կրեմլը դրական է գնահատում ԱՄՆ առաջին տիկին Մելանյա Թրամփի՝ Ռուսաստանի և Ուկրաինայի պատվիրակությունների ներկայացուցիչների հետ Վաշինգտոնում կայացած հանդիպումը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Նրա խոսքով՝ այժմ կարևոր է պահպանել հանդիպման ընթացքում ձևավորված դրական մթնոլորտն ու շարունակել մարդասիրական աշխատանքը։
«Իհարկե, մենք դրական ենք գնահատում այդ հանդիպումը»,- լրագրողների հետ զրույցում ասել է Պեսկովը՝ հավելելով, որ անհրաժեշտ է պահպանել դրական տրամադրվածությունն ու շարունակել մարդասիրական նախաձեռնությունները, ինչպիսին իրականացվել էր Խերսոնի մարզի Ալյոշկիում։
Նշենք, որ նոյեմբերի 5-ին ԱՄՆ առաջին տիկին Մելանյա Թրամփը Սպիտակ տանը հյուրընկալել է Ռուսաստանի և Ուկրաինայի ներկայացուցիչներին։ Հանդիպումը հաջորդել է հոկտեմբերի վերջին Խերսոնի մարզի Ալյոշկիում իրականացված մարդասիրական գործողությանը։
Այս մասին հայտնում է ТАСС-ը։
Անի Վարդանյան
.gif)
