ՖՈՏՈ. Ինչով է հայտնի Բադեն-Բադենը և ինչու է գրավում Սերժ Սարգսյանին

ՀԵՏԵՎԵՔ ՄԵԶ Telegram-ՈՒՄ

Ինչպես հայտնի է՝ Սերժ Սարգսյանը մեկնել է կարճատև արձակուրդ, որի մի մասը կանցկացնի արտերկրում: Հայտնի է, որ Սերժ Սարգսյանն իր արձակուրդը հիմնականում սիրում է անցկացնել Գերմանիայի Բադեն-Բադեն քաղաքում, որն աշխարհում ամենահայտնի առողջարանային և զվարճանքի տարբերակներ ունեցող քաղաքներից է:

Փորձեցինք հասկանալ, թե ինչով կարող է այս քաղաքը գրավել ՀՀ նախագահին: Այսպես, Բադեն-Բադենը հայտնի է իր տաք աղբյուրներով, որն օգտագործվում էր նաև հին հռոմեացիների կողմից:

Գերմանական այս քաղաքը համարվում է Եվրոպայի ամառային մայրաքաղաքը, որտեղ սովորաբար հանգստանում են տարբեր երկրների էլիտայի ներկայացուցիչներ, շոու-բիզնեսի աստղեր: Բադենը-Բադենը հայտնի է իր թանկարժեք ու շքեղ հյուրանոցներով, խաղատներով ու առողջարաններով: Եվ այդ ամենը վայելելը, բնականաբար, խիստ թանկ հաճույք է:

Օրինակ, քաղաքի կենտրոնում գտնվող «Brenner’s park» հինգաստղանի հյուրանոցի լյուքս համարում մնալու մեկ գիշերվա արժեքը 2200 եվրո է:

Նշենք նաեւ, որ այս քաղաքում է գտնվում ամենահեղինակավոր խաղատներից մեկը, որը համարվում է Բադեն-Բադենի այցեքարտը:

Երբ ասում են խաղատուն, բոլորի մտքում առաջին հերթին հենց այս քաղաքն է գալիս: Այստեղի խաղատունն արդեն 150 տարվա պատմություն ունի: Եվ այդ առումով այն կարող է համարվել ոչ միայն եվրոպական, այլև աշխարհի ամենալավ խաղատներից մեկը:

Բադեն-Բադենը հայտնի է նաև առողջարաններով:




Լրահոս