Աբովյանի դատարանում թեժ վիճաբանություն է եղել. կռիվը շարունակվել է Արզնու խճուղում, որտեղից մարմնական վնասվածքներով քաղաքացիների են տարել հիվանդանոց. ինչ է կատարվել

Նոյեմբերի 16-ին՝ ժամը 12-ի սահմաններում, ուշագրավ իրավիճակ է եղել Աբովյան քաղաքի դատարանում։

Armlur.am-ին հասած տեղեկություների համաձայն՝ դատական նիստի ժամանակ Սեւան քաղաքի 1971 թվականի ծնված բնակչի եւ Պռոշյան համայնքի մեկ այլ բնակչի միջեւ տեղի է ունեցել վիճաբանություն, որը շարունակվել է նաև դատարանի բակում։

Դատարանից հեռանալուց հետո կողմերը Արզնու խճուղում կանգնեցնում են իրենց հակառակորդին ու թեժ ծեծկռտուք սկսում, որի ժամանակ դանակով հարվածում են միջադեպի մասնակիցներից մեկին։

Արզնու խճուղում երթեւեկությունը կաթվածահար է լինում։ Դանակահարվածին տեղափոխում են հիվանդանոց։ Մեզ հայտնի է դարձել վիճաբանության բուն պատճառը։

Սեւանի բնակչի որդին ամուսնացել է Պռոշյանի բնակչի դստեր հետ։ Դատական նիստը կապված է եղել թոռան խնամակալության հետ։ Գիշերը դանակահարողին իրավապահները բռնել են, նա ձերբակալված է։

Քնար Մանուկյան