Թուրքիայի արտաքին գործերի նախարար Հաքան Ֆիդանը հայտարարել է, որ ԱՄՆ-ի հանրապետական վարչակազմը կարող է գործնականում իրականացնել Սիրիայից ամերիկյան զորքերի դուրսբերման նախագիծը, քանի որ այնտեղ նրանց ներկայությունը խանգարում է հենց ԱՄՆ-ին։
«Իրականում 800 զինվորների ներկայությունը Սիրիայում մեծ օգուտ չի բերում ԱՄՆ-ին, ընդհակառակը, նրանց ներկայությունը տարածաշրջանում միայն խանգարում է ամերիկյան ռազմական գործողություններին: Ամերիկացի զինվորները Սիրիայում և Իրաքում դառնում են թիրախ: Նրանք հիմնականում պատանդների նման են այնտեղ:
Իսկ դա անընդհատ էսկալացիա է ստեղծում։ ԱՄՆ-ի դեմոկրատները ժամանակին դժվարությունների բախվեցին զորքերը Աֆղանստանից դուրս բերելու հարցում և չցանկացան նույնը զգալ Սիրիայում: Հիմա հանրապետականներն են իշխանության. Նրանք հնարավորություն կունենան իրականացնել այս զորքերի դուրսբերման]ծրագիրը։ Իմ գնահատականն այն է, որ այս հարցում կարելի է դրական քայլեր ձեռնարկել»,- ասել է Ֆիդանը Անկարայում թուրք լրագրողների հետ զրույցում։
Նա հիշեցրել է, որ ԱՄՆ նորընտիր նախագահ Դոնալդ Թրամփի վարչակազմն իր առաջին ժամկետում «փորձել է զինվորներին դուրս բերել Սիրիայից, սակայն հանդիպել է ռազմական պաշտոնյաների հակազդեցությանը»։
.gif)
