ՏԵՍԱՆՅՈՒԹ․ Նիկոլ Փաշինյանի նկատմամբ բռնության հրապարակային կոչ հնչեցնելու համար տղամարդ են կալանավորել. ով է նա

Նիկոլ Փաշինյանին բռնություն գործադրելու հրապարակային կոչ անելու համար տղամարդ են կալանավորել։ ArmLur.am-ն հայտնի դարձավ, որ վերջինս Արմեն Սարգսյան է, որին մեղադրանք է առաջադրվել այն բանի համար, որ նա տեղեկատվական և հաղորդակցական տեխնոլոգիանների օգտագործմամբ, բռնություն գործադրելու հրապարակային կոչ է հնչեցրել ՀՀ վարչապետի նկատմամբ, պայմանավորված իր քաղաքական հայացքներով և բռնությունը հրապարակայնորեն արդարացրել է:

Վերջինիս նկատմամբ խափանման միջոց է ընտրվել կալանավորումը: ArmLur.am հայտնի դարձավ, որ տղանարդուն մեղադրանք է առաջադրվել Հ քրեկան օրենսգրքի 330-րդ հոդվածի 2-րդ մասի 3-րդ կետով
Հոդված 330. Բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը, ինչպես նաև այդ նպատակով նյութեր կամ առարկաներ տարածելը
1. Անձի կամ անձանց խմբի նկատմամբ ռասայական, ազգային, էթնիկ կամ սոցիալական ծագումով, կրոնով, քաղաքական կամ այլ հայացքներով կամ անձնական կամ սոցիալական բնույթի այլ հանգամանքներով պայմանավորված բռնություն գործադրելու հրապարակային կոչը, նման բռնությունը հրապարակայնորեն արդարացնելը կամ քարոզելը, ինչպես նաև այդ նպատակով նյութ կամ առարկա տարածելը, եթե բացակայում են սույն օրենսգրքի 136-րդ, 151-րդ 313-րդ, 328-րդ, 329-րդ կամ 422-րդ հոդվածով նախատեսված հանցանքների հատկանիշները՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով՝ առավելագույնը հարյուր ժամ տևողությամբ, կամ ազատության սահմանափակմամբ՝ առավելագույնը մեկ տարի ժամկետով, կամ կարճաժամկետ ազատազրկմամբ՝ առավելագույնը մեկ ամիս ժամկետով, կամ ազատազրկմամբ՝ առավելագույնը մեկ տարի ժամկետով:
2. Սույն հոդվածի 1-ին մասով նախատեսված արարքը, որը կատարվել է՝
1) մի խումբ անձանց կողմից նախնական համաձայնությամբ,
2) իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով կամ
3) հրապարակայնորեն ցուցադրվող ստեղծագործությունների, զանգվածային լրատվության միջոցների կամ տեղեկատվական կամ հաղորդակցական տեխնոլոգիաների օգտագործմամբ՝
պատժվում է տուգանքով՝ տասնապատիկից երեսնապատիկի չափով, կամ հանրային աշխատանքներով՝ հարյուրից երկու հարյուր ժամ տևողությամբ, կամ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ երկուսից հինգ տարի ժամկետով, կամ ազատության սահմանափակմամբ՝ առավելագույնը երկու տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը երեք տարի ժամկետով:

Քնար Մանուկյան

Մանրամասները՝ տեսանյութում․