ՏԵՍԱՆՅՈՒԹ․ Ոստիկանությունը առգրավել է Տիգրան Արզաքանցյանի զենքերը. ո՞վ է նրան պարգևատրել

ՀՀ Ազգային ժողովի նախկին պատգամավոր, «Ալյանս» կուսակցության ղեկավար Տիգրան Արզաքանցյանի զենքերը ՆԳՆ-ն փորձում է վերցնել։ ԱԺ նախկին պատգամավորը դիմել է դատարան և պահանջում է իրեն անվամբ ՀՀ վարչապետի 26.12.2003 թվականի թիվ 665-Ա հրամանով պարգևատրված «ՉԶ-75 Բ» մոդելի (6642 S սերիայով և համարով, թույլտվության սերիա՝ ԹՊԶ, համար 444/2) և ՀՀ վարչապետի 15.11.2001 թվականի թիվ 807 որոշմամբ պարգևատրված «ԲԵՐԵՏՏԱ» (սերիա և համար՝ BU-54194 V) զենքերը մալելուց ձեռնպահ մնալուն պարտավորեցնելու պահանջի մասին։

Տիգրան Արզաքանցյանի հայցադիմումն ընդդեմ ՀՀ ներքին գործերի նախարարության ոստիկանության ընդունվել է վարույթ, և նախնական դատական նիստը նշանակվել է 2027 թվականի մարտի 3-ին։

Հիշեցնենք, որ ԱԺ «Քաղաքացիական պայմանագիր» խմբակցության նախկին պատգամավոր, պաշտպանության և անվտանգության հարցերի մշտական հանձնաժողովի անդամ Վիլեն Գաբրիելյանը զենքի մասին օրենք էր բերել, որը Ազգային ժողովը երկրորդ ընթերցմամբ և ամբողջությամբ՝ 61 կողմ, 1 դեմ, 32 ձեռնպահ ձայներով ընդունել է։ Խոսքը «Զենքի շրջանառության կարգավորման մասին» օրենքում փոփոխություններ և լրացումներ կատարելու մասին» ՀՀ օրենքի նախագծի մասին է, որով՝

«Զենքի մասին» 1998 թվականի հուլիսի 3-ի ՀՕ-246 օրենքի 20-րդ հոդվածով սահմանված կարգով զենքով պարգևատրված անձինք մինչև 2025 թվականի հունիսի 1-ը պարտավոր են Հայաստանի Հանրապետության ՆԳՆ ոստիկանություն ներկայացնել տվյալ անձի մոտ զենքի տիրապետումը խոչընդոտող հիվանդությունների և վիճակների բացակայությունը հավաստող բժշկական փաստաթղթեր, ինչպես նաև զենքի հետ կապված և անվտանգության կանոնների իմացության տեսական և գործնական քննությունները հանձնելու մասին փաստաթուղթ։

Սահմանված փաստաթղթերը չներկայացնելու դեպքում զենքը Հայաստանի Հանրապետության ՆԳՆ ոստիկանությունը մալում է և վերադարձնում տիրոջը։

Դատելով իրավիճակից՝ բոլոր նրանք, որոնք օրենքի այս կետերին չեն ենթարկվում կամ չեն համապատասխանում, նրանց պատկանող զենքերը առգրավվում են։

Քնար Մանուկյան

Մանրամասները՝ տեսանյութում․