Քիչ առաջ armlur.am-ի հետ զրույցում Ջերմուկում քաղաքապետի պաշտոնի համար պայքարող«Ջերմուկշին» ՓԲԸ տնօրեն, անկուսակցական Կորյուն Ստեփանյանի եղբայր Ստեփան Ստեփանյանն ասաց, որ ընտրական գործընթացը նորմալ է ընթանում, որևէ միջադեպ չի գրանցվել: «Ընտրություններին մասնակցել է մոտ 3300-3400 ընտրող»,- տեղեկացրեց պրն Ստեփանյանը:
Հարցին` ինչպես են տրամադրված ջերմուկցիները, ավելի շատ որ թեկնածուի կողմն են հակված, պրն Ստեփանյանի խոսքով` ժողովուրդը Կորյունին է ուզում. «Ցանկանում է փոփոխություններ տեսնել Ջերմուկում»:
Հիշեցնենք, որ այսօր ջերմուկցիներն ընտրում են քաղաքապետ: Առաջադրված թեկնածուներն են գործող քաղաքապետ, ՀՀԿ-ական Վարդան Հովհաննիսյանն ու “Ջերմուկշին” ՓԲԸ տնօրեն, անկուսակցականը Կորյուն Ստեփանյանը:
Սոնա Դավթյան
.gif)
