Հոկտեմբերի 7-ին, ժ.19:00-ին ՀՀ սփյուռքի նախարարության նախաձեռնությամբ Արամ Խաչատրյան համերգասրահում տեղի կունենա Լոս Անջելեսի «Կանթեղ» երգչախմբի համերգը՝ մենակատարներ Գևորգ Չաքմանյանի և Գևորգ Մահմուդյանի մասնակցությամբ:
Համերգին ողջույնի խոսքով հանդես կգա ՀՀ սփյուռքի նախարար Հրանուշ Հակոբյանը:
Լոս Անջելեսի «Կանթեղ» աշուղական երգչախումբը եզակի է իր տեսակի մեջ: Երգչախումբը Միացյալ Նահանգներում հիմնադրել է Էջմիածնի «Տարոն» աշուղական երգչախմբի գեղարվեստական ղեկավար, 2010թ. Հայաստանից տեղափոխված Գևորգ Չաքմանյանը:
Հիմնականում տարեց մասնակիցներով համալրված երգչախմբի մի շարք անդամներ առաջին անգամ են Հայրենիքում: Խմբում ամենատարեցը Հովհաննես պապն է՝ ծնված 1916 թվականին:
Երգչախմբին կնվագակցի Արամ Մերանգուլյանի անվան ժողովրդական գործիքների անսամբլը:
.gif)
