Աֆղան նախարարը Գերմանիայում պիցցայի առաքիչ է դարձել

Աֆղանստանի կապի և տեղեկատվական տեխնոլոգիաների նախկին նախարար Սայեդ Ահմադ Շաթ Սաադատն այժմ առաքիչ է աշխատում գերմանական Լայպցիգ քաղաքում։ Այս մասին հայտնում է EHA News-ը։

Նա հանդիսանում է Lieferando առաքման ծառայության աշխատակից և հեծանվով պիցցա է առաքում։

Աշրաֆ Գանիի նախագահության ժամանակ նա 2018 թվականից եղել է նախարարների կաբինետի կազմում։ Սաադատը պատասխանատու է եղել գյուղական բնակչության համար բջջային կապի ցանցի ընդլայնման համար։ 2020 թվականին Գանիի կառավարությունը ստիպել է նրան հրաժարական տալ այն բանից հետո, երբ Սաադատը հրաժարվել է իր գերատեսչությանը հատկացված ֆինանսավորումը տրամադրել պետական ռազմավարությանը՝ թալիբների դեմ պայքարի համար։ Արդյունքում նախկին նախարարը տեղափոխվել է Գերմանիա և նոր կյանք սկսել։