Սարդարապատ գյուղում այրվել է մեծ քանակությամբ անասնակեր

Հունվարի 14-ին՝ ժամը 15:01-ին, փրկարար ծառայության Արմավիրի մարզային ճգնաժամային կառավարման կենտրոն ահազանգ է ստացվել, որ Սարդարապատ գյուղի 25-րդ փողոցի տներից մեկի բակում այրվում է անասնակեր:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ։

Հրդեհը մեկուսացվել է ժամը 15:45-ին, մարվել՝ 20:06-ին: Այրվել է մոտ 1550 հակ անասնակեր:

Հրդեհաշիջման աշխատանքներին ներգրավվել է երկու հատուկ տեխնիկա: