Երևանի քաղաքապետը հայտարարում է․ Քաղաքացիները ահազանգում. «ինչ անել, օդ չկա». Նուբարաշենի աղբավայրի հրդեհի հետքերով

Երևանի քաղաքապետ Տիգրան Ավինյանը քիչ առաջ հայտնեց, որ Նուբարաշենի աղբավայրում լուսադեմին գրեթե ամբողջությամբ մարել են կրակի լեզվակները։ Առկա է մեծ ծավալի ծխածածկույթ։

Այս պահին աշխատում է շուրջ 20 միավոր հատուկ տեխնիկա՝ Փրկարար ծառայության, ԵԱՍՄ համայնքային հիմնարկի և կապալառու ընկերությունների ամբարձիչներ ու բեռնատարներ՝ հողի ծածկույթով տարածքը լցնելու ուղղությամբ՝ ծուխը վերացնելու նպատակով։

Երկու օրերի ընթացքում 248 մեքենա հող է տեղափոխվել աղբավայր։

Նուբարաշենի աղբավայրի տարածքի հսկողության և անվտանգային կանոնների պահպանման նպատակով մեկնարկել են արտաքին լուսավորության համակարգի անցկացման, տեսախցիկների և արգելապատնեշների տեղադրման նախապատրաստական աշխատանքներ։

Մուտքի վրա խստագույն ռեժիմ է սահմանված։

Ու մինչ քաղաքապետը իրավիճակին ուղղված աշխատանքների մասին է խոսում, քաղաքացիները ահազանգում են՝ ինչու որևէ պատասխանատու մարմին չի հայտարարում, թե ինչ անել այս իրավիճակում․ տանից դուրս չգալ, պատուհան չբացել, օդ չկա շնչելու։

Քնար Մանուկյան