Իսլանդիայի վարչապետին գրկելու Մակրոնի փորձն անհարմար իրավիճակ է ստեղծել

Ֆրանսիայի նախագահ Էմանուել Մակրոնը Դուբլինում կայացած եվրոպական առաջնորդների հանդիպման ժամանակ անսպասելիորեն հայտնվել է անհարմար իրավիճակում։ Լուսանկարներից դատելով կարելի է ասել, որ Իսլանդիայի վարչապետ Քրիստրուն Ֆրոստադոուտիրին գրկելու նրա փորձն այնպես չի ավարտվել, ինչպես նա ակնկալում էր։

Կադրերում երևում է, թե ինչպես է Մակրոնը ժպտալով խոնարհվում դեպի Իսլանդիայի վարչապետը՝ ակնհայտ մտադրություն ունենալով գրկել նրան։ Սակայն Ֆրոստադոուտիրը, կարծես, չի շտապում պատասխանել այդ ժեստին. նա թեթևակի հետ է քաշվում՝ միևնույն ժամանակ ձեռքը պահելով Ֆրանսիայի նախագահի ուսին։