Այսօր մոտ մեկ ժամ ուշացումով Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում շարունակվեց Շանթ Հարությունյանի գործով դատական նիստը:
Դատավոր Մնացական Մարտիրոսյանը պարզաբանեց, որ նիստի ուշացման պատճառն ամբաստանյալներին ներս բերելիս առաջացած խնդիրներն են եղել:
Նշենք, որ այսօր դատարանում շարունակվելու է ամբաստանյալների մեղավորությունն ապացուցող տեսանյութերի ցուցադրությունը: Ցուցադրվելու են կոնկրետ անձի մեղավորությունը ապացուցող առանձին հատվածներ:
Շանթ Հարությունյանի պաշտպան Իննեսա Պետրոսյանը ընթերցեց հայտարարություն, որով կասկածի տակ դրեց տեսանյութերի իսկությունը: Պաշտպանը հայտարարեց, որ Շանթ Հարությունյանին սադրել է ոստիկանը, ով, փաթաթվելով վերջինիս պարանոցին, կոպիտ ձևով փորձել է խոչընդոտել վերջինիս ակցիան:
.gif)
