«Նաիրիտ» գործարանի մոտ 500 աշխատակիցներ երեկ հավաքվել էին ՀՀ նախագահի նստավայրի դիմաց եւ պահանջում էին իրենց 11 ամսվա չստացած աշխատավարձը։ «Ամեն օր խոստանում են, որ եկող շաբաթ կտան, բայց չեն տալիս: Ոչ մեկ մեզ չի հարցնում՝ 11 ամիս ոնց ենք ապրել առանց աշխատավարձի: Երկրի նախագահը չի՞ մտածում մեր մասին»,-այս եւ նմանատիպ այլ դժգոհություններով հավաքված քաղաքացիներն մոտեցավ նախագահականի նամակների բաժնի աշխատակիցը՝ խոստանալով բողոքը տեղ հասցնել: Սակայն ակցիայի ընթացքում մարդիկ այդպես էլ հստակ պատասխան չլսեցին: Միայն պարզվեց, որ երեկ՝ առավոտյան, «Նաիրիտ»-ի արհմիության նախագահ Հրաչյա Թադեւոսյանին ընդունել է ՀՀ էներգետիկայի նախարար Արմեն Մովսիսյանը եւ ասել, որ «Նաիրիտ»-ի ճակատագիրը մինչեւ դեկտեմբեր որոշված կլինի։
Հիշեցնենք, որ շուտով կլրանա երկու տարին, ինչ նախկին ԽՍՀՄ եզակի քիմիական արդյունաբերության միջազգային նշանակության հսկա «Նաիրիտ» գիտաարտադրական միավորումը չի գործում: Բայց, չնայած դրան, պետական սեփականություն համարվող «Նաիրիտ»-ի գլխավոր տնօրենի աշխատավարձը կազմում է 7 մլն դրամ, իսկ տեղակալներինը՝ 3,5-ական մլն դրամ: Ընդ որում, ավելի քան 10 հոգի 3,5 մլն դրամ են ստանում:
ՀՀ վարչապետ Տիգրան Սարգսյանի եղբայրը՝ Աշոտ Սարգսյանը եւս «Նաիրիտ»-ի փոխտնօրեններից է եւ քանի որ երեկ ՀՀ նախագահի նստավայրի դիմաց չէր, ենթադրվում է, որ տնօրինությունը ժամանակին է ստանում աշխատավարձը:
.gif)
