Հոկտեմբերի 11-ին, ժամը 15.40-ին, շտապօգնության կայանից ոստիկանության Արմավիրի բաժնում հաղորդում էր ստացվել, որ իրենց է զանգահարել մի կին և հայտնել, որ իր որդուն դանակով հարվածել են:
Մեկնած օպերատիվ խումբը պարզել էր, որ նույն օրը, ժամը 12.30-ի սահմաններում, Արմավիր քաղաքի «Սադախլու» կոչվող շուկայի տարածքում, վիճաբանության ժամանակ, 1963 թ. ծնված Արթուր Ղ.-ն բռունցքով 2 անգամ հարվածել է 1957 թ. ծնված Սեյրան Լ-ի դեմքին` պատճառելով ֆիզիկական ցավ, որից հետո Սեյրան Լ-ն գլխով 3 անգամ հարվածել է Արթուր Ղ.-ի դեմքին և փայտով հարվածել նրա կրծքավանդակին` դեմքի և կրծքավանդակի մասերում պատճառելով վնասվածքներ:
Սեյրան Լ-ն և Արթուր Ղ.-ն հաժարվել են դատաբժշկական փորձաքննության ենթարկվելուց և ստորագրությամբ բաց են թողնվել:
Կատարվում է հետաքննություն:
.gif)
