Վթար Երևան-Երասխ ավտոճանապարհին

Հոկտեմբերի 22-ին, ժամը 08.55-ին տեղեկություն է ստացվել, որ Արարատի ՀՓՋ-ի մոտակայքում տեղի է ունեցել ՃՏՊ. անհրաժեշտ է օգնություն:

Դեպքի վայր է մեկնել Արարատի ՀՓՋ-ի օպերատիվ խումբը:

Պարզվել է, որ դեռևս չբացահայտված հանգամանքներում Մ-2 ավտոճանապարհի Երևան-Երասխ հատվածի 56-րդ կմ-ում բախվել են «Օպել Աստրա Ջի» մակնիշի 33 UТ 882 (վարորդ` 1987 թ. ծնված Ժ. Ա.) և «Միցուբիշի Սուբարու» մակնիշի 34 ZT 995 (վարորդ` 1962 թ. ծնված Գ. Ո.) պետհամարանիշերով ավտոմեքենաները. տուժածներ չկան:

Հրշեջ-փրկարարները հոսանքազրկել են ավտոմեքենաները և փակել գազի բալոնների փականները: