Արագածոտնի և Շիրակի մարզպետների հրաժարականները հաստատվեցին

Այսօր կառավարության նիստում կառավարության աշխատակազմի ղեկավար-նախարար Դավիթ Հարությունյանը նշեց, որ ՀՅԴ-ի հետ քաղաքական համագործակցության արդյունքում բացի նախարարական պորտֆելներից դաշնակցականներին տրվելու են երկու մարզ` Շիրակն ու Արագածոտնը:

Ըստ այդմ, նա նշեց, որ տվյալ մարզերի ղեկավարներ Ֆելիքս Ցոլակյանն ու Սարգիս Սահակյանը հրաժարական են տվել: Նրանց կփոխարինեն համապատասխանաբար Հովսեփ Սիմոնյանն ու Գագիկ Գյոզալյանը: