Սուրիկ Խաչատրյանին Սյունիքի մարզպետի պաշտոնից ազատելու մասին որոշման նախագիծը ՀՀ կառավարության` հոկտեմբերի 6-ի նիստի օրակարգում է: Այս մասին ArmLur.am-ը տեղեկանում է, որ ՀՀ կառավարության egov.am կայքից: «Ղեկավարվելով Հայաստանի Հանրապետության Սահմանադրության (2005 թվականի փոփոխություններով) 88.1-ին հոդվածով և հիմք ընդունելով Հայաստանի Հանրապետության Նախագահի 1997 թվականի մայիսի 6-ի ՆՀ728 հրամանագրի 1.7րդ կետը` Հայաստանի Հանրապետության կառավարությունը ո ր ո շ ու մ է. Սուրիկ Խաչատրյանին ազատել Հայաստանի Հանրապետության Սյունիքի մարզպետի պաշտոնից՝ իր դիմումի համաձայն»,-նշվում է որոշման նախագծում:
Կառավարությունը մեկ այլ որոշմամբ Սյունիքի մարզպետ կնշանակի Վահե Հակոբյանին:
Հիշեցնենք, որ երեկ արդեն ArmLur.am-ը հայտնել էր, որ Սուրիկ Խաչատրյանն ազատվել է աշխատանքից և նրան կփոխարինի Վահե Հակոբյանը:
Քիչ առաջ մեր թղթակիցը հայտնեց նաև, որ Սուրիկ Խաչատրյանը մտել է կառավարության շենք: Մեր թղթակցի հարցին, թե ինչու է եկել, նա պատասխանել է, որ թղթերն է հանձնելու: Սուրիկ Խաչատրյանը, սակայն երկար չի մնացել ներսում, նա շտապ դուրս է եկել` հանձնելով ձեռքի թղթապանակը:
.gif)
