Նալբանդյանը և Շտայնմայերը կքննարկեն ԼՂ հակամարտության կարգավորման գործընթացը

ՀՀ և Գերմանիայի արտաքին գործերի նախարարներ Էդվարդ Նալբանդյանը և Ֆրանկ­Վալտեր Շտայնմայերը նոյեմբերի 3­ին կքննարկեն Լեռնային Ղարաբաղի հակամարտության կարգավորման գործընթացին առնչվող հարցեր: Ինչպես հաղորդում է «Արմենպրես»­ը՝ վկայակոչելով «Ռիա Նովոստի»­ն, այս մասին հաղորդում է Գերմանիայի արտաքին քաղաքական գերատեսչությունը: «Բանակցությունների հիմնական թեմաներն են Լեռնային Ղարաբաղի հակամարտության կարգավորումը և Հայաստանի ու Գերմանիայի միջև երկկողմ հարաբերությունները»,­ նշված է Գերմանիայի ԱԳՆ հաղորդագրության մեջ:

Ավելի վաղ ՀՀ ԱԳ նախարարությունը հաղորդել էր, որ Բեռլին կատարելիք այցի ընթացքում Նալբանդյանը հանդիպում կունենա նաև ԳԴՀ կանցլերի արտաքին քաղաքական և անվտանգության հարցերով գլխավոր խորհրդական Քրիստոֆ Հոյսգենի հետ։ ԱԳ նախարարը Ֆրիդրիխ­Էբերտ հիմնադրամում հանդիպում կունենա Գերմանիայի խորհրդարանի անդամների և առաջատար քաղաքագետների ու փորձագետների հետ