ԼՈՒՐ ԿԱԴՐ

Լուսանկարը՝ համացանցից

Աղբ չգցելու դասական դարձած հորդոր…

ՀԱՐՑ. Ո՞րն է ապրանքի անվտանգությունը, ի՞նչ է իրենից ենթադրում դա: Եվ ուզում եմ իմանալ, թե որն է ապրանքի երաշխիքային ժամկետը:

Հասմիկ Նավասարդյան (33 տարեկան, նկարչուհի)

ՊԱՏԱՍԽԱՆ. Քաղաքացու հարցին ի պատասխան` տեղեկացնում ենք, որ ապրանքի անվտանգությունը սպառողի կյանքի, առողջության, գույքի եւ շրջակա միջավայրի համար (աշխատանքի, ծառայության) սովորական պայմաններում դրա օգտագործման, պահման, փոխադրման, օգտահանման ժամանակ, ինչպես նաեւ աշխատանքի կատարման (ծառայության մատուցման) գործընթացն է. («Սպառողների իրավունքների պաշտպանության մասին» ՀՕ, հոդված 1): Միաժամանակ նշենք, որ ապրանքի երաշխիքային ժամկետն այն ժամանակահատվածն է, որի ընթացքում ապրանքի (աշխատանքի) թերության հայտնաբերման դեպքում արտադրողը (կատարողը, վաճառողը) պարտավոր է բավարարել սույն օրենքով սահմանված սպառողի պահանջները: («Սպառողների իրավունքների պաշտպանության մասին» ՀՕ, հոդված 1):

Շուկայի վերահսկողության տեսչական մարմին

«ԺՈՂՈՎՈՒՐԴ». Տեղեկացնենք, որ «Սպառողների իրավունքների պաշտպանության մասին» օրենքի համաձայն` ապրանքի վրա նշված Ժամանակահատվածի ավարտից հետո ապրանքն իր նշանակությամբ օգտագործման համար պիտանի չէ:

ՀԱՐՑ. Հարկային մարմնի կողմից վերահսկվող եկամուտների գծով չկատարված պարտավորության չափը հինգ հարյուր հազար կամ ավելի դրամ կազմելու դեպքում հարկ վճարողի բանկային հաշիվների վրա դրված արգելանքը ո՞ր դեպքերում է հանվում:

Արման Հակոբյան (45 տարեկան)

ՊԱՏԱՍԽԱՆ. Ա. Հակոբյանի հարցին ի պատասխան` տեղեկացնում ենք, որ «Հարկերի մասին» Հայաստանի Հանրապետության օրենքի 30.2 հոդվածի համաձայն` սահմանված կարգով արգելադրված գույքը արգելանքից հանվում է`
1) եթե վարչական ակտն անբողոքարկելի դառնալուց հետո «Վարչարարության հիմունքների եւ վարչական վարույթի մասին» Հայաստանի Հանրապետության օրենքով սահմանված ժամկետում հարկային մարմնի կողմից չի ներկայացվել Հայաստանի Հանրապետության արդարադատության նախարարության դատական ակտերի հարկադիր կատարման ծառայություն,
2) հարկ վճարողի կողմից հարկային պարտավորության դադարման կամ օրենքի 29.1 հոդվածով սահմանված կարգով պարտավորության գումարի գանձման դեպքում,
3) հարկ վճարողի հետ սույն հոդվածով սահմանված կարգով հարկային պարտավորության դադարման վերաբերյալ աստիճանական մարման ժամանակացույց կնքելու դեպքում,
4) դրանով ապահովված պարտավորության գումարի գանձման մասին որոշումը դատական կարգով անվավեր ճանաչվելու դեպքում:

ՀՀ պետական եկամուտների կոմիտե

«ԺՈՂՈՎՈՒՐԴ». Տեղեկացնենք, որ ավելացված արժեքի հարկի զրոյական դրույքաչափով հարկվող գործարքների մասով վերադարձման ենթակա գումարները վերադարձվում են հարկ վճարողին համապատասխան դիմում ներկայացնելու օրվան հաջորդող 90 օրվա ընթացքում: