Պորտուգալիայի հավաքականի եւ Թուրինի «Յուվենտուսի» հարձակվող Կրիշտիանու Ռոնալդուի մայրը` Դոլարեշ Ավեյրուն դուրս է գրվել հիվանդանոցից եւ վերադարձել տուն: Այս մասին տեղեկացնում է La Gazzetta dello Sport-ը:
Հիշեցնենք, որ մարտի 3-ին Ավեյրուն գլխուղեղի կաթված էր ստացել եւ հոսպիտալացվել: Ռոնալդուն այդ լուրը իմանալուց անմիջապես հետո մեկնել էր Պորտուգալիա:
Հիշեցնենք, որ պորտուգալացին իր ընտանիքի հետ մեկուսացած է Մադեյրայում, այն բանից հետո, երբ «Յուվենտուսի» իտալացի պաշտպան Դանիելե Ռուգանիի COVID-19 կորոնավիրուսի թեստը դրական արդյունք էր ցույց տվել: Թուրինյան ակումբից մեր օրերի ժանտախտով վարակված է նաեւ ֆրանսիացի կիսապաշտպան Բլեյզ Մատյուիդին:
Էդմոն Մարտիրոսյան
.gif)
