ՏԵՍԱՆՅՈՒԹ. Շոշափել ենք շատ նուրբ թեմա. Ելենա Արշակյանը՝ «Մեր թաղի տղերքը» նոր սերիալի մանրամասների մասին

Շուտով՝ ATV հեռուստաընկերության եթերում ռեժիսոր Ելենա Արշակյանը կներկայացնի նոր հեռուստասերիալ, այն հեռուստաեթերում կլինի նոյեմբերի 29-ից: Ռեժիսորի նոր նախագիծը՝ կոչվում է «Մեր թաղի տղերքը»:

Նոր հեռուստասերիալի մանրամասների մասին ArmLur.am-ը զրուցել է նախագծի պրոդյուսեր Ելենա Արշակյանի հետ:

Նշենք, որ սերիալում նկարահանվում են Մերի Հակոբյանը, Էթերի Ոսկանյանը, Թելման Խաչատրյանը, Արսեն Լեւոնյանը, Հայկ Պետրոսյանը, Տատա Մելքոնյանը, Էրվին Ամիրյանը, Անահիտ Մանուկյանը:

Ելենա Արշակյանի խոսքով՝ անդրադարձել են շատ արդիական եւ նուրբ թեմայի՝ ծնող–որդի փոխհարաբերություններին:

«Ֆիլմը ընկերության, բարության, ծնողի միակողմանի կայացրած որոշումների հետևանքով երեխայի հետագա կյանքի վրա էական ազդեցություն ունենալու մասին է»,-ընդգծում է նա:

Ելենան հայտնեց, որ արդեն սկսել է նկարահանումները եւ հավելեց, որ դերասանուհիներից Անահիտ Մանուկյանը հեռուստադիտողին հայտնի չէ. սովորում է Թատերական ինստիտուտի ասպիրանտուրայում:

«Ինչպես իմ մյուս բոլոր նախագծերում, այս անգամ եւս պրոֆեսիոնալ դերասանների կողքին աշխատում եմ նաեւ նորավարտ դերասանների հետ» -նկատեց Ելենան:

Լիդա Եղիազարյան