Վրաստանի սեյսմիկ մոնիտորինգի ազգային կենտրոնը շաբաթ օրը հաղորդել է, որ երկրում գրանցվել է 4,0, 4,2 և 4,8 մագնիտուդով երեք երկրաշարժ:
Առաջին երկրաշարժը տեղի է ունեցել 17.44-ին՝ 4.8 մագնիտուդով։ Երկրաշարժի էպիկենտրոնը գտնվել է Ռաչայի շրջանի Օնի քաղաքից 10 կիլոմետր հեռավորության վրա։ Երկրորդ երկրաշարժը գրանցվել է վեց րոպե անց՝ Օնի քաղաքից 9 կիլոմետր հեռավորության վրա՝ 4,2 մագնիտուդով։ Երրորդը՝ քառասուն րոպե անց, նույնպես Օնիի մոտ՝ քաղաքից 8 կիլոմետր հեռավորության վրա՝ 4,0 մագնիտուդով։
Օնիի վարչակազմում լրագրողներին հայտնել են, որ զոհերի կամ ավերածությունների մասին տեղեկություն չեն ստացել։ Նաև ոչ մի դիմում Արտակարգ իրավիճակների ծառայությանը չի արձանագրվել, հավելել են վարչությունից։
.gif)
