Այսօր Ազգային ժողովին հրաժեշտ տվող պատգամավորների ցանկում էր նաև «Քաղաքացիական պայմանագիր» խմբակցության պատգամավոր Հրաչյա Հակոբյանը։
ArmLur.am-ը դեռևս ապրիլին տեղեկացրել էր, որ Հակոբյանը որոշել է այլևս չշարունակել իր գործունեությունը հաջորդ գումարման խորհրդարանում և չի առաջադրվելու պատգամավորի թեկնածու։
Հրաչյա Հակոբյանը քաղաքական դաշտում հայտնի է ոչ միայն որպես իշխող խմբակցության պատգամավոր, այլև որպես վարչապետ Նիկոլ Փաշինյանի ընտանիքի անդամ. նա Աննա Հակոբյանի եղբայրն է և երկար տարիներ հանրային-քաղաքական քննարկումներում հիշատակվել է նաև որպես Նիկոլ Փաշինյանի աներորդի:
Թե ինչով է պայմանավորված նրա՝ ակտիվ քաղաքականությունից հեռանալու որոշումը, պաշտոնապես չի մանրամասնվել, սակայն նրա հրաժարումը խորհրդարանական գործունեությունից դեռ ամիսներ առաջ էր հայտնի դարձել։
Հակոբյանը ArmLur.am-ի հետ զրույցում նշել էր, որ ցանկանում է հանգստանալ, հետո որոշել իր անելիքները: Նշենք, որ Հրաչյա Հակոբյանը միշտ աչքի է ընկել ԱԺ-ում իր զսպվածությամբ ու համեստ պահվածքով:
Սոնա Գրիգորյան
Մանրամասները՝ տեսանյութում․
.gif)
