Հոկտեմբեր 2013

“ՆԱՍԴԱՔՕԷՄԷՔՍ Արմենիա” բորսայում այսօր՝ հոկտեմբերի 8-ին ամերիկյան դոլարի միջին փոխարժեքը հայկական դրամի նկատմամբ կազմել է 406,24 դրամ:  Բորսայում այսօր վաճառվել է 700 հազ. դոլար: Կանխիկ արտարժույթի շուկայում դոլարի առքի փոխարժեքը բարձրացել է մինչեւ 406 դրամ, վաճառքինը՝ 408 դրամ:

ՀՀ ԱԺ նախագահ, Միջխորհրդարանական միությունում ԱԺ պատվիրակության ղեկավար Հովիկ Աբրահամյանի գլխավորած պատվիրակությունը հոկտեմբերի 7-ին Ժնևում մասնակցել է Միջխորհրդարանական միության 129-րդ վեհաժողովի աշխատանքներին, տեղեկացնում է ՀՀ ԱԺ հասարակայնության և տեղեկատվության միջոցների հետ կապերի վարչությունը։ ԱԺ նախագահի գլխավորած պատվիրակության կազմում են պատգամավորներ Կարեն Ճշմարիտյանը, Հեղինե Բիշարյանը, Կարինե Աճեմյանը, Մարտին Սարգսյանը: Միջխորհրդարանական միության ղեկավար խորհրդի նիստում քննարկվել են …

Երեւանի քաղաքապետարանի եւ Իլ դը Ֆրանս շրջանային խորհրդի միջեւ համագործակցության շրջանակում Երեւանի ճարտարապետության եւ շինարարության պետական համալսարանում ֆրանսիական քաղաքաշինության ինստիտուտի մասնագետ Ադըլին Մաղքին ներկայացրել է իր ուսումնասիրությունը Երեւանի ժառանգության եւ պատմամշակութային հուշարձանների պահպանության վերաբերալ: Քաղաքապետարանի մամուլի ծառայությունից հայտնում են, որ հանդիպման ժամանակ ներկայացվել են նաեւ մի շարք առաջարկներ՝ կապված ոլորտում առկա խնդիրների լուծման հնարավոր տարբերակների …

Ըստ ՀՀ ոստիկանության օպերատիվ հաղորդագրությունների ամփոփագրերի` հոկտեմբերի 7-ից 8-ն ընկած ժամանակահատվածում հանրապետությունում արձանագրված մարմնական վնասվածք հասցնելու 9 դեպքից բացահայտվել է 6-ը, իսկ շորթման 1 և խարդախության 4 դեպքերն էլ բացահայտվել են: Բացահայտվել է գողության 6 դեպք: Նախկինում կատարված հանցագործություններից բացահայտվել է գողության 2  դեպք: Անցած 1 օրվա ընթացքում հանրապետությունում արձանագրվել է ճանապարհատրանսպորտային 7 պատահար. 11 …

Արագածոտնի մարզի Կարբի գյուղի սկզբնամասում, հոկտեմբերի 7-ին, ժամը 08.30-ի սահմաններում, իրար են բախվել “ԳԱԶ-2410” եւ “ՎԱԶ-21011” մակնիշի ավտոմեքենաները: Ոստիկանության մամուլի ծառայությունից հայտնում են, որ պատահարի հետեւանքով “ԳԱԶ-2410”-ի 2 ուղեւորները մարմնական վնասվածքներով տեղափոխվել են հիվանդանոց: Կատարվում է քննություն:

Հոկտեմբերի 8-ին, ժամը 00.25-ին, ոստիկանության ծառայողները Երևանի Լիսինյան փողոցի թիվ 33 հասցեում գտնվող Երևանի գեղարվեստի ժամացույցների գործարանից, գողության փորձ կատարելու կասկածանքով, բերման են ենթարկել 1988 թ. ծնված Ալիկ Մ.-ին: Պարզվել է, որ նա գործարանի ճաղավանդակները մագլցելով՝ բարձրացել է 4-րդ հարկ, ճաղավանդակների արանքից մտել ներս և ոչինչ չգողանալով` փորձել է փախուստի դիմել, սակայն ոստիկանների կողմից բռնվել …

Հոկտեմբերի 7-ին, ժամը 12.00-ին, 1966 թ. ծնված Կարեն Ք.-ն ներկայացել է ոստիկանության Քանաքեռ-Զեյթունի բաժին և կամավոր հանձնել ձեռքի նռնակ` առանց պայթուցիչի, “Կարաբին” տիպի հրացանի 7,62 մմ տրամաչափի 12 փամփուշտ, ինքնաձիգի 46 լուսարձակիչ փամփուշտ և 7,62 մմ տրամաչափի 5 փամփուշտ: Ներկայացվածն ուղարկվել է փորձաքննության: Կատարվում է հետաքննություն:

2013 թվականի հոկտեմբերի 4-ին Սննդամթերքի անվտանգության պետական ծառայություն ահազանգ է ստացվել ՀՀ Լոռու մարզի Հարթագյուղ համայնքից թվով 7 բնակիչների մոտ սիբիրախտ հիվանդության կասկածի վերաբերյալ: Ծառայության Լոռու մարզային կենտրոնի մասնագետների կողմից իրականացված ուսումնասիրությունների ընթացքում պարզվել է, որ համայնքում սույն թվականի սեպտեմբերի 23-ին և 24-ին 4 գլուխ խոշոր եղջերավոր կենդանիների հարկադիր մորթ է իրականացվել՝ ՀՀ օրենսդրությամբ նախատեսված …

“Երեւան Ջուր” ընկերությունը տեղեկացնում է իր հաճախորդներին եւ սպառողներին, որ մատակարարվող ջրի որակի ստուգման նպատակով ընկերության ջրի որակի լաբորատորիայի կողմից 2013թ. հուլիս-սեպտեմբերին ջրամատակարարման համակարգից վերցվել է 4539 փորձանմուշ: “Երեւան Ջուր” ընկերության մամուլի ծառայությունից հայտնում են, որ ըստ իրականացված  քիմիկամանրէաբանական հետազոտությունների՝ ջրի որակը համապատասխանել է ՀՀ-ում գործող սանիտարական կանոնների եւ նորմերի պահանջներին:

Համացանցում է հայտնվել Մարտ Բաբայանի եւ Քրիստինե Պեպելյանի “Միայն սեր” ստեղծագործության թրեյլերը: Երաժշտության հեղինակը Մարտ Բաբայանն է, իսկ խոսքերինը` ռուս բանաստեղծուհի Աննա Գալկինան: