Ձերբակալվել է Շամիրամի սպանդի մեջ մեղադրվող Թելման Քալաշյանը։ Ոստիկանության լրատվության վարչության պետ Աշոտ Ահարոնյանը հայտնում է, թե ոստիկանության եւ ԱԱԾ համապատասխան ստորաբաժանումների ծառայողների իրականացրած համատեղ օպերատիվ-որոնողական աշխատանքների արդյունքում այսօր՝ օգոստոսի 25-ին Արմավիրի մարզում հայտնաբերվել է օգոստոսի 1-ին Արագածոտնի մարզի Շամիրամ գյուղում մի քանի անձանց սպանության կասկածանքով հետախուզվող Թելման Վազիրի Քալաշյանը:
Հիշեցնենք, որ օգոստոսի 1-ին Քալաշյանը ներխուժել էր այդ գյուղի հանդիսությունների սրահ և կրակ բացել, որը հետևանքով զոհվել էր չորս մարդ:
.gif)
