Պաշտոնյաները պետք է բարձր աշխատավարձեր ստանան, բայց դա չի կարելի գաղտնի անել. Էդմոն Մարուքյան

ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօր ԱԺ ճեպազրույցների ժամին հայտնեց, որ իրենք դատապարտում են պաշտոնյաների աշխատավարձերի բարձրացումը։

Մարուքյանը նշեց, որ իրենք միանգամայն ի վիճակի են հասկանալու նման մոտեցումը, բայց հարցեր են ծագում։ «Մենք հասկանում ենք, որ բարձրաստիճան պաշտոնատար անձինք պետք է բարձր աշխատավարձեր ստանան, բայց դա չի կարելի գաղտնի անել։ Այ թե որն է հարցը»,- ներկայացրեց իրենց մոտեցումը Մարուքյանը։

Պատգամավորը նաեւ ընդգծեց, որ այդ որոշումը չպետք է ընդունվեր խորհրդարանը շրջանցելով։