Եվրահանձնաժողովում 2025 թվականի փետրվարի 1-ից գործում է ընդլայնման և արևելյան հարևանության գլխավոր տնօրինությունը (DG ENEST), որը պատասխանատու է Եվրամիությանն անդամակցելու հավանական թեկնածուների հետ ընդլայնման և անդամակցության բանակցությունների համար:
Այս մասին տեղեկանում ենք Եվրահանձնաժողովի մամուլի ծառայությունից։
«Կառույցը զբաղվելու է ԵՄ անդամ երկրներում հաղորդակցության հարցերով, ինչպես նաև տարածաշրջանային համագործակցության և տարածաշրջանային նախաձեռնությունների, ներառյալ թեկնածու երկրների աստիճանական ինտեգրման հարցերը։
Գլխավոր տնօրինությունը կզբաղվի ԵՄ ֆինանսական և տեխնիկական աջակցությամբ ընդլայնման գործընկերներին, ինչպես նաև ԵՄ Արևելյան հարևանության երկրներին, ինչպիսին են Հայաստանը, Ադրբեջանը և Բելառուսը: Բացի դրանից, Գլխավոր տնօրինությունը շարունակական և կայուն աջակցություն կտրամադրի Ուկրաինային և կշարունակի իր աշխատանքը Ուկրաինայի վերականգնման ուղղությամբ»,- ասվում է հաղորդագրության մեջ:
.gif)
