ՏԵՍԱՆՅՈՒԹ․ Ալեն Սիմոնյանը հաստատում է՝ Գլխավոր դատախազը գալու է «Հայաստան» խմբակցության պատգամավոր Արթուր Սարգսյանի հետևից

ԱԺ նախագահ Ալեն Սիմոնյանի ճեպազրույցի ընթացքում հայտնեց՝ գլխավոր դատախազը միջնորդագիր կուղարկի խորհրդարան՝ «Հայաստան» խմբակցության պատգամավոր Արթուր Սարգսյանի նկատմամբ քրեական հետապնդում հարուցելու թույլտվություն ստանալու համար:

Գրել էինք, որ ArmLur.am-ին հասած տեղեկությունների համաձայն՝ չի բացառվում, որ հուլիսի 4-ին Գլխավոր դատախազ Աննա Վարդապետյանը գա Ազգային ժողով «Հայաստան» խմբակցության պատգամավոր Արթուր Սարգսյանի նկատմամբ քրեական հետապնդում հարուցելու և կալանավորելու միջնորդությամբ։

Նշենք,որ Armlur.am-ը ավելի վաղ հայտնել էր, որ ՀՀ Գլխավոր դատախազ Աննա Վարդապետյանը դիմում կներկայացնի ԱԺ նախագահ Ալեն Սիմոնյանին՝ միջնորդելով, որ խորհրդարանը թույլ տա քրեական գործ հարուցել ԱԺ «Հայաստան» խմբակցության պատգամավոր Արթուր Սարգսյանի նկատմամբ:

Նշենք, որ ՀՀ քննչական կոմիտեն համատարած խուզարկություններ էր սկսել «Սրբազան պայքար»-ի մասնակիցների տներում, ինչի արդյունքում 10-ից ավելի անձ ձերբակալվեց և, ըստ պաշտոնական թվերի, այս պահին կալանավորվել է 15 անձ:

Ըստ նախաքննական մարմնի շարժման մասնակիցները և ղեկավարները պլանավորել էին ՀՀ-ում իրականացնել ահաբեկչական և իշխանությունը զավթելուն ուղղված գործողություններ: Այս քրեական վարույթի շրջանակներում խուզարկել են ԱԺ Հայաստան խմբակցության պատգամավոր Արթուր Սարգսյանի տունը ու չի բացառվում, որ հաշվի առնելով, որ նա «Սրբազան պայքար»-ի առաջնորդներից է, Գլխավոր դատախազն անձամբ կգա Արթուր Սարգսյանի հետևից:

ArmLur.am-ը դիմեց Գլխավոր դատախազություն հասկանալու համար, արդյոք նման գործընթաց է սկսել Գլխավոր դատախազը, ի պատասխան հայտնեցին՝ «չենք մեկնաբանում»։

Մանրամասները՝ տեսանյութում․