Գեղարքունիքի մարզում 35-ամյա վարորդը «Toyota Alphard»-ով դուրս է եկել ճանապարհի երթևեկելի գոտուց և բախվել հողաթմբին․ կա տուժած

Այսօր՝ սեպտեմբերի 22-ին, ավտովթար է տեղի ունեցել Գեղարքունիքի մարզում։ Ժամը 10։00-ի սահմաններում Մարտունի-Վարդենիս ավտոճանապարհին` Լուսակունք գյուղի վարչական տարածքում, Գեղարքունիքի մարզի բնակիչ 35-ամյա Արտյոմ Գ․-ն իր վարած «Toyota Alphard» մակնիշի ավտոմեքենայով դուրս է եկել ճանապարհի երթևեկելի գոտուց և բախվել հողաթմբին։

Ինչպես հայտնում է shamshyan.com-ը, վթարի հետևանքով վարորդը մարմնական վնասվածքներով տեղափոխվել է «Վարդենիս» բժշկական կենտրոն։

Վթարի փաստով Վարդենիսի քննչական բաժնում նախաձեռնվել է քրեական վարույթ։