Իրանը հրթիռով խոցել է ամերիկյան նավթատար նավը Պարսից ծոցում

Իրանի Իսլամական հեղափոխության պահապանների կորպուսի ռազմածովային ուժերը հայտարարել են, որ հրթիռային հարված են հասցրել ամերիկյան նավթատար նավին Պարսից ծոցի հյուսիսային հատվածում։

Համաձայն Իսլամական հեղափոխության պահապանների կորպուսի (ԻՀՊԿ) հաղորդագրության՝ հարվածը իրականացվել է հինգշաբթի վաղ առավոտյան, և հարվածի արդյունքում նավթատար նավը հրդեհվել է։

ԻՀՊԿ-ն նշել է, որ ավելի վաղ նախազգուշացրել էր, որ պատերազմի պայմաններում միջազգային իրավունքի և գործող կանոնակարգերի համաձայն Հորմուզի նեղուցով նավարկության վերահսկողությունը գտնվում է Իրանի Իսլամական Հանրապետության վերահսկողության տակ։

Հաղորդագրության մեջ ընդգծվում է, որ բոլոր պետությունները պարտավոր են պահպանել այդ կանոնները։ Միաժամանակ նշվում է, որ Միացյալ Նահանգներին, Իսրայելին, եվրոպական երկրներին և նրանց աջակցող կողմերին պատկանող ռազմական և առևտրային նավերին չի թույլատրվի անցնել Հորմուզի նեղուցով։

ԻՀՊԿ-ն նաև նախազգուշացրել է, որ եթե Հորմուզի նեղուցում հայտնաբերվի ամերիկյան, իսրայելական կամ եվրոպական որևէ նավ, այն «անպայման կհարվածվի»։

Լարվածությունը տարածաշրջանում շարունակում է աճել՝ Իրանի և ԱՄՆ-ի ու Իսրայելի միջև ռազմական բախումների ֆոնին։

Թարգմանությունը՝ Անի Վարդանյանի