Մեծ եղեռնի զոհերի հիշատակին նվիրված Պետրոս Շուժունյանի ստեղծագործություններն արդեն ձայնագրվել են: Նշված ստեղծագործությունների հիմքում ընկած են 5-15- րդդարերիհայկականշարականներ, որոնք ներկայացվում են ժամանակակիցերաժշտական ոճով:
Մոնրեալաբնակ երաժիշտ, երգահանի չորս նոր լարային քառյակների ձայնագրությունը կատարվել է «Մոլինարի» լարային քառյակի հետ (Մոնրեալ, Կանադա):
«Այս ամենի միջոցով դու փաստում ես, որ եղել ես, կաս ու պիտի դեռ շատանաս, նույնիսկ եթե 10 000 կմ հեռու ես քո երկրից: Գրեթե 40 տարի է, ինչ այստեղ եմ՝ Մոնրեալում: Իմ անպարտելի հայկական երաժշտության նվիրումն է, որ օտարները գնահատում են այստեղ: Նրանք ինձ միշտ ասել են, որ մեզ պետք է, որ դու հայկական երաժշտություն գրես, որպեսզի մեր մշակույթը հարստացնես»,- ասում է երաժիշտ, երգահան Պետրոս Շուժունյանը:
Նրա խոսքով՝ նման ծրագրերի իրականացումը դրսում իրականում այդքան էլ հեշտ չէ, քանի որ այդ ամենը հոգեկան և նյութական մեծ ներդրումներ են պահանջում, սակայն փաստում է, որ այս ամենն ասես մեր մշակութային վերելքը/վերապրումը լինի արտասահմանում:
« Ժողովուրդները իրենց արվեսով են վկայում իրենց ժողովուրդ լինելը: Մենք օսմանցիների տիրապետության տակ լինելուց հետո շատ- շատ բացերի/բացթողումների մեջ ենք: Մեզ չեն թողել արտադրել: Մի վարկյան պատկերացրեք, եթե Կոմիտասն էլ չլիներ…
Անշուշտ սովետական օրերը մեզ որակավոր թթվածին են տվել, բայց դեռ շատ գործ կա անելու»,- ասաց Պ. Շուժունյանը:
Մոնրեալաբնակ երաժիշտ, երգահանի 5-ից մինչև 15-րդ դարի հայկական շարականները ժամանակակից ձևով ներկայացումը ձայնագրվել է Molinari լարային քառյակի(http://quatuormolinari.qc.ca/en/) և ATMA CLASIQUE (http://www.atmaclassique.com/en/)ձայնագրման ստուդիայի հետ համատեղ, որոնք մեծ ճանաչում ունեն Եվրոպայում:
Ձայնագրությունների հրատարակչության թվականը 2016 թվականի ապրիլ 8-ն:
.gif)
