Առավոտ. Սեդրակյանը Հայրիկյանին սպանելու շարժառիթ չի ունեցել

Նախագահի նախկին թեկնածու Վարդան Սեդրակյանի փաստաբան Ալեքսանդր Սիրունյանը հերքում է ԱԻՄ առաջնորդ Պարույր Հայրիկյանի պնդումը, թե 2013 թ. հունվարի 31-ին իր նկատմամբ իրականացրած մահափորձի գործի նյութերում առկա են վկայություններ, որ գործով որպես պատվիրատու հանդես եկող Վարդան Սեդրակյանը 2012թ. նոյեմբերին 100 000 ԱՄՆ դոլար է ստացել որոշակի անձից: Այս մասին գրում է “Առավոտ” թերթը  եւ մեջբերում. “”Պարոն Հայրիկյան, վերջը չպարզեցիր, բա ո՞վ է սպանության պատվիրատուն, ընդունենք Սեդրակյանն է, ինչո՞ւ է արել, Սեդրակյանը շարժառիթ չի ունեցել:

Ինչ վերաբերում է 100 000 ԱՄՆ դոլարին, եթե դա գործի հետ կապ ունի, թող դատարանը հրավիրի փող տվողին` ցուցմունք տալու: Մենք դրանում խնդիր չենք տեսնում: Բացի դա, փող տվողը ինչ-որ մեկը չէ, Վարդանի ծանոթն է, որը ոչ Ռուսաստանից է, ոչ ,կագեբեշնիկե է, երեւանցի նորմալ տղա է: Ասում է՝ ես Վարդանին մեր գործերով փող եմ տվել: Վարդանի հետ երկար տարիներ աշխատել են, անկապ մարդ չէ: Եթե չեմ սխալվում, պարտքով է տվել”,- ասաց պարոն Սիրունյանը”,- մեջբերում է “Առավոտը” (Մանրամասները՝ թերթի այսօրվա համարում)։