Եվրոպայի առաջնությունը տեղափոխելը թանկ կնստի ՈՒԵՖԱ-ի վրա, սակայն նպատակը վեր է շահույթից․ Ալեքսանդր Չեֆերին

ՈՒԵՖԱ-ի նախագահ Ալեքսանդր Չեֆերինը արդրադարձել է Եվրոպայի առաջնությունը 2020 թվականից 2021 թվականը տեղափոխելու որոշմանը․

«Մենք կանգնած ենք այնպիսի սպորտաձեւի ղեկին, որով ապրում եւ շնչում են հսկայական թվով մարդիկ, ովքեր ճնշված են այս արագ զարգացող հակառակորդի կողմից։ Հենց նման պահերին է, որ ֆուտբոլային հասարակությունը պետք է ցուցաբերի պատասխանատվություն, միասնություն եւ համերաշխություն։ Երկրպագուների, աշխատակիցների եւ ֆուտբոլիստների առողջությունը մեզ համար պետք է լինի առաջին տեղում եւ այդ պատճառով ՈՒԵՖԱ-ն առաջարկել է մի շարք տարբերակներ մրցաշրջանը անվտանգ ավարտին հասցնելու համար։

Ես հպարտ եմ իմ բոլոր կոլեգաների արձագանքներից։ Այստեղ տիրում էր համերաշխության ոգին, եւ բոլորը պատրաստ էին զոհաբերել ինչ-որ բան լավագույն արդյունքի հասնելու համար։

ՈՒԵՖԱ-ն մեծագույն զոհաբերություն կատարեց ՝ հետարձգոլվ Եվրոպայի 2020 թվականի առաջնությւոնը։ Այս որոշումը մեզ վրա շատ թանկ կնստի, բայց մենք ամեն ինչ կանենք, որ սիրողական ու կանանց ֆուտբոլի զարգացումը 55 երկներում չտուժի։ Նպատակը վեր է ցանկացած շահույթից եւ մենք կայացրել ենք որոշում հանուն եվրոպական ֆուտբոլի։ Համաեվրոպական ֆուտբոլային փառատոնը դատարկ մարզադաշտերում անցկացնելը, երբ մայրցամաքը մեկուսացման մեջ է, կշռադատված քայլ լիներ չէր կարող։ Մենք չէինք կարող թույլ տալ այդպես նշել մրցաշարի 60-ամյակը»,-ասել է հայտարարել է ՈՒԵՖԱ-ի նախագահ Ալեքսանդր Չեֆերինը։

Հավելենք, որ Չեֆերինը նաեւ շնորհակալություն է հայտնել ԿՈՆՄԵԲՈԼԻՆ եւ կազմակերպության նախագահ Ալեխանդրո Դոմինգեսին ՝ Ամերիկայի գավաթի խաղարկությունը հետաձգման ողջամիտ որոշումը կայացնելու համար։
ՈՒԵՖԱ-ի նախագահը իր շնորհակալական ուղերձն է հղել նաեւ ՖԻՖԱ-ի նախագահ Ջանի Ինֆանտինոյին․

«Ցանկանում եմ շնորհակալություն հայտնել նաեւ ՖԻՖԱ-ի նախագահ Ջանի Ինֆանտինոյին, ով հասկացրեց, որ ամեն ինչ կանի, որպեսզի նոր օրացույցը աշխատի։ Այս ճգնաժամի դեմ ֆուտբոլը ցույց տվեց իր լավագույն կողմերը՝ թափանցիկություն, համերաշխություն եւ հանդուրժողականություն»,- Չեֆերինի խոսքերն է փոխանցում ՈՒԵՖԱ-ի պաշտոնական կայքը։

Հիշեցնենք, որ Եվրոպայի առաջնությունը կկայանա 2021 թվականի ամռանը ՝ հունիսի 11-ից հուլիսի 11-ը՝ դադարեցված առաջնությունները ավարտին հասցնելու պատճառով։

ԷԴՄՈՆ ՄԱՐՏԻՐՈՍՅԱՆ