«ԺՈՂՈՎՈՒՐԴ» ԹԵՐԹԻ 149 ՀԱՄԱՐԸ

Շարունակում ենք ներկայացնել ՀՀ քաղաքացու եւ «Օրանժ» ընկերության աշխատակցի միջեւ ծավալված զրույցը, որից մեկ եզրակացություն կարելի է անել` ընկերությունը, բաժանորդներին խաբելով, թալանում է նրանց:-Ես կոնտակտային կենտրոնի պատասխանատուն եմ, Կարեն:-Ձեզ հետ խոսում է ՀՀ քաղաքացի: Ես ուզում են հասկանալ. ես խոսել եմ իմ քարտով 2-3 օր շատ նորմալ, հետո հեռախոսս անջատել էի, հիմա նորից միացնում եմ, …

Երեկ Եղիշե Չարենցի անվան տուն-թանգարանում տեղի է ունեցել «Ժառանգություն» կուսակցության առաջնորդ Րաֆֆի Հովհաննիսյանի որդու` երիտասարդ գրող Կարին Հովհաննիսյանի «Գերդաստան ստվերա» (Family of shadow) գրքի շնորհանդեսը: Այն պատմություն է եղեռնից մազապուրծ եղած մի հայ ընտանիքի 3 որդիների` Գասպարի, Ռիչարդի եւ Րաֆֆիի կյանքի մասին` անգլերեն եւ հայերեն:

«Հայկական զինված ուժերում կատարված սպանությունները պաշտպանության նախարարության կողմից որպես ինքնասպանություն ներկայացնելու փաստը միտում է դառնում»,-հայտարարել է «Լրագրողները հանուն մարդու իրավունքների» հ/կ ղեկավար Ժաննա Ալեքսանյանը` նշելով, որ սպանությունների փաստով բոլոր գործերը դատարաններ հասնում են ինքնասպանության հասցնելու մասին հոդվածով: Խնդրի կապակցությամբ  «Ժուռնալիստների «Ասպարեզ» ակումբ» հ/կ-ի ղեկավար Լեւոն Բարսեղյանն էլ շեշտել է, որ պաշտպանության նախարարությունը սպանված զինծառայողների հարազատներին …

Նոյեմբերյանի եւ Իջեւանի տարածաշրջանների 33 համայնքների ղեկավարներ իրենց համայնքների բնակչության անունից դիմել են ՀՀ նախագահին, որպեսզի նա ներում շնորհի ծագումով Կոթի գյուղից Յուրիկ Հարությունյանին: Նույն խնդրանքով երկրի ղեկավարին դիմել են նաեւ երկրապահ կամավորականների միության  բաժանմունքների ղեկավարները եւ ԵԿՄ մարզային խորհրդի նախագահը: Յուրիկ Հարությունյանը 1992-94 թվականներին ակտիվորեն մասնակցել է Տավուշի մարզի սահմանագոտու ինքնապաշտպանությանը, մարտում վիրավորվել է: …

Նախօրեին մահացած նորածնի գործով ՀՀ գլխավոր դատախազի տեղակալի ցուցումով ոստիկանության Վայոց Ձորի քննչական բաժնում հարուցվել է քրեական գործ ՀՀ քրեական օրենսգրքի 130-րդ հոդվածով (բժշկական օգնություն եւ սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը): Նշանակվել է դատաբժշկական փորձաքննություն: Նախաքննության արդյունքների մասին տեղեկատվություն կտրամադրվի լրացուցիչ:

Երեւանի քաղաքապետի հանձնարարությամբ մայրաքաղաքի բոլոր վարչական շրջանների հանրային սննդի օբյեկտներում շարունակվում է ծխողների համար առանձնացված տարածքների ստեղծման գործընթացը: Դավթաշեն, Նորք-Մարաշ եւ Նուբարաշեն վարչական շրջանների հանրային սննդի բոլոր օբյեկտներում արդեն իսկ առանձնացվել են համապատասխան տարածքներ: Մալաթիա-Սեբաստիա վարչական շրջանում գործող հանրային սննդի 17 օբյեկտներից 7-ում ծխելն ընդհանրապես արգելված է, իսկ 10-ում ծխողների համար առանձին տարածք է հատկացվել: …

«Սթար» առեւտրային ցանցի կողմից «Ֆրեշ» սուպերմարկետների գնման շուրջ բանակցություններն ավարտվել են: Կողմերն արդեն ձեռք են բերել վերջնական պայմանավորվածություն: Ներկայումս «Սթար» առեւտրային ցանցը կառավարում է 18 սուպերմարկետ, որոնցից 17-ը Երեւանում եւ մեկը Հրազդանում, իսկ «Ֆրեշ» սուպերմարկետների ցանցը ներառում է 4 «Ֆրեշ» սուպերմարկետ եւ 3 «Քեթրին» խանութներ Երեւանում:

ՀՀ պաշտպանության նախարար Սեյրան Օհանյանի` ռազմական բժիշկների նկատմամբ անհանդուրժողականության մասին մամուլում հրապարակված հոդվածի առթիվ ՊՆ մամուլի խոսնակը հայտարարություն է տարածել, որում նշված է, որ հրապարակված տեղեկությունները չեն համապատասխանում իրականությանը, եւ նախարարին վիրահատել է ոչ թե  Լենսեր Լազարյանը (ինչպես նշված է հոդվածում), այլ ԼՂ ներկայիս առողջապահության նախարար Սերգեյ Մովսիսյանը: «Ինչ վերաբերում է բժիշկների նկատմամբ պաշտպանության նախարարի …

««Խղճի եւ կրոնի մասին» օրինագիծը միտումներ ունի կրճատել հայ առաքելական եկեղեցու իրավունքներն ու լիազորությունները»,-հայտարարել է Շիրակի թեմի հոգեւոր առաջնորդ Միքայել Աջապահյանը: «Ցանկանում են հայ առաքելական եկեղեցին հավասարեցնել ինչ-որ կրոնական կազմակերպությանը, որն ունի 25 անդամ: Չի կարելի ճնշել մեծամասնության իրավունքները` հարգելով կրոնական փոքրամասնությունների շահերը»,-կարծիք է հայտնել հոգեւորականը: