Վաշինգտոնի և Թեհրանի ներկայացուցիչները միջնորդների հետ քննարկել են Մերձավոր Արևելքում հակամարտության դադարեցման ուղիները, հաղորդում է Reuters-ը՝ հղում անելով երկու երկրների ներկայացուցիչներին։
«ԱՄՆ և Իրանի պաշտոնյաները երկուշաբթի առանձին բանակցություններ են վարել միջնորդների հետ՝ յոթամսյա պատերազմը դադարեցնելու նորացված ջանքերի շրջանակներում», – նշվում է հաղորդագրության մեջ։
Աղբյուրները պարզաբանել են, որ հետագա քննարկումները կկենտրոնանան Իրանի կողմից անցյալ շաբաթ ԱՄՆ-ին ներկայացված յոթօրյա ծրագրի վերանայման վրա։
Ավելի ուշ Իրանի արտաքին գործերի նախարար Աբբաս Արաղչին հայտարարել է, որ երկիրը բանակցություններ է վարել Կատարի հետ։ Հանդիպման ժամանակ քննարկվել են Թեհրանի կողմից հակամարտության դադարեցման պայմաններին հասնելու ուղիները։ Իրանը սպասում է Վաշինգտոնի պատասխանին։
.gif)
