Իտալիայի Ռիմինի քաղաքում անցկացվող սպորտային մարմնամարզության Եվրոպայի առաջնության 4-րդ մրցումային օրը տեղի կունենան մեծահասակների եւ երիտասարդների եզրափակիչները:
Մեծահասակների առաջնությունում մրցահարթակ դուրս կգա Հայաստանի վերջին ներկայացուցիչը՝ Արթուր Դավթյանը, երիտասարդներում մեդալների համար կպայքարեն Համլետ Մանուկյանն ու Մամիկոն Խաչատրյանը:
Առաջինը պայքարի մեջ կմտնեն երիտասարդները: Երեւանի ժամանակով 12:00-ին կմեկնարկի նժույգ թափեր վարժության եզրափակիչը: Համլետ Մանուկյանն ու Մամիկոն Խաչատրյանը որակավորման փուլից հետո ամենաբարձր միավորներով դուրս էին եկել եզրափակիչ:
Երեկոյան մրցահերթում հենացատկի եզրափակիչում Եվրոպայի երրորդ չեմպիոնության համար կպայքարի Տոկիոյի Օլիմպիական խաղերի բրոնզե մեդալակիր, աշխարհի չեմպիոն, Եվրոպայի կրկնակի չեմպիոն Արթուր Դավթյանը:
Արթուր Դավթյանի մասնակցությամբ հենացատկի վարժության եզրափակիչը կմեկնարկի Երեւանի ժամանակով 18:30-ին:
Հայաստանի թիմից պայքարի մեջ մնացին երիտասարդների բազմամարտի եզրափակիչի երկու մասնակից՝ Մամիկոն Խաչատրյանը եւ Ռոբերտ Գյուլումյանը: Հավելենք, որ Երիտասարդների բազմամարտի եզրափակիչը տեղի կունենա ապրիլի 28-ին:
.gif)
