Ապրիլի 26-ի կեսօրին հզոր պայթյուն է որոտացել Իրանի հարավում գտնվող Բենդեր-Աբբաս նավահանգստում: Այս մասին հայտնում է իրանական Tasnim լրատվական գործակալությունը: Ըստ տեղեկությունների՝ պայթյունի հետևանքով տուժել է 80 մարդ:
Պայթյունը վնասել է նավահանգստի վարչական շենքը: Այն այնքան հզոր է եղել, որ զգացվել է նաև Պարսից ծոցի Քեշմ կղզում, որը գտնվում է նավահանգստից առնվազն 20 կիլոմետր հեռավորության վրա։
Tasnim-ի տվյալներով՝ պայթյունը տեղի է ունեցել վարչական շենքում։
Ըստ միջազգային լրատվամիջոցների՝ դրա պատճառը վառելիքի բաքում բռնկված հրդեհն է եղել: Իսկ Հորմոզգան նահանգի նավահանգստի և ծովային վարչության պետի տեղակալի խոսքով՝ պայթյունը տեղի է ունեցել նավամատույցի մոտ:
Ներկայում հրշեջները փորձում են տեղայնացնել հրդեհը։
.gif)
