ՀՀ փոխվարչապետ Արմեն Գևորգյանն այսօր Կոտայքի մարզպետարանի աշխատակիցներին է ներկայացրել նորանշանակ մարզպետ Արամ Հարությունյանին: Փոխվարչապետը նաև շնորհակալություն է հայտնել նախկին մարզպետ Կովալենկո Շահգալդյանին և բարձր գնահատել նրա երկարատև աշխատանքը:
Armlur.am-ը Կ. Շահգալդյանի հետ զրուցեց իր հրաժարականի որոշման, նոր մարզպետի և իր հետագա անելիքների մասին:
«Իմ՝ աշխատանքից ազատվելը մեծ մասամբ որոշ լրատվամիջոցների ցանկություններին հագուրդ տալն էր: Հանուն լրագրողների՝ հրաժարականի դիմում եմ ներկայացրել, որովհետև 13 տարվա կանախտեսումներն իրականություն չդարձան: Ասի՝ գոնե հրաժարական տամ, թող մտածեն՝ իրենք ճիշտ են», – նշեց նախկին մարզպետը:
Այն հարցին, թե վերջինս ինչ «ժառանգություն» է թողել նորանշանակ մարզպետ Արամ Հարությունյանին, ասաց.
«Ես իմ ժառանգությունը պետք է փոխանցեմ իմ էրեխեքին, ոչ թե Արամ Հարությունյանին: Ես մարզպետի պաշտոնը ժառանգություն չէի ստացել, ընդամենը նշանակվել էի այդ պաշտոնում», -հայտարարեց Շահգալդյանը:
Armlur.am-ի դիտարկմանը, թե տեսակետ կա, որ Արամ Հարությունյանը գալիս է Կոտայքն ավերելու, ընդգծեց.
«Ես կարծում եմ՝ Արամ Հարությունյանը գալիս է Կոտայքի մարզպետի պաշտոնին ոչ թե Կոտայքն ավերելու, այլ` արարելու», – եզրափակեց մեր զրուցակիցը:
.gif)
