«Եվրո-2016»-ի ընտրական փուլի շրջանակներում կայացած Հայաստան – Սերբիա խաղից հետո (1:1), համացանցի իրենց էջերում կիսվել են տպավորություններով խաղին չմասնակցած Հենրիխ Մխիթարյանն ու Յուրա Մովսիսյանը:
Հայաստանի հավաքականի կիսապաշտպան Հենրիխ Մխիթարյանը Facebook-ի իր էջում գրել է.
«Հպարտ եմ մեր ազգային թիմով: Թիմակիցներս հաղթողի հոգեբանություն ցուցաբերեցին ու արժանի են հարգանքի: Առանձնահատուկ շնորհակալություն եմ հայտնում մեր մարզիչ Բերնար Շալանդին: Բոլորս ամբողջովին հավատում ենք քեզ, մարզի´չ: Պատրաստվենք ճամփորդությանը դեպի Ֆրանսիա: Առա´ջ, Հայաստան»:
Իսկ Յուրա Մովսիսյանը գրել է. «Հպարտ եմ մեր տղաներով, ովքեր անհավանական ջանքեր գործադրեցին»:
.gif)
