Շենգավիթ վարչական շրջանի 11/34 ընտրատեղամասում քաղաքացիները, իրար հերթ չտալով, եկել էին ընտրության։
ՀՀԿ վստահված անձ Էդուարդ Ֆահրադյանից Lurer .com-ի թղթակիցը հետաքրքրվեց, թե ինչով է պայմանավորված ընտրողների ակտիվությունը, ինչպես նաև, թե ինչու է ընտրողների այդքան հոծ բազմություն հավաքվել ընտրատեղամասում. վերջինս կասկած հայտնեց, որ հնարավոր է՝ մարդիկ ավտոբուսով են գալիս, այդ իսկ պատճառով էլ կուտակումներ են առաջանում։
Ընտրատեղամասի հանձնաժողովի նախագահ ԲՀԿ-ական Հմայակ Նավասարդյանն էլ չկարողացավ հարցի շուրջ ինչ-որ տեսակետ հայտնել։
Այնուհետև Lurer .com-ի տեսախցիկը ընտրատեղամասի մոտ ֆիքսեց 4104 s դեղին պետհամարանիշներով 48 համարի ավտոբուսը, որը քաղաքացիներին բերեց ընտրատեղամաս, իսկ արդեն իսկ քվեարկած քաղաքացիներին տեղափոխեց ընտրատեղամասից։
Նշենք, որ այդ ավտոբուսի երթուղին չի ընդգրկում Շենգավիթը։
Ընտրողների ակտիվությունը կարող եք տեսնել տեսանյութում։
.gif)
