«ԺՈՂՈՎՈՒՐԴ» ԹԵՐԹԻ 323 ՀԱՄԱՐԸ

Հունիսի 1-ը երեխաների իրավունքների պաշտպանության միջազգային օրն է,  եւ այդ առիթով այսօրվա մեր հյուրը երգչուհի ԴԱԼԻԹԱ ԱՎԱՆԵՍՅԱՆՆ է: Փոքրիկ երգչուհին 6 տարեկանից սովորել է Ալեքսանդր Սպենդիարյանի երաժշտական դպրոցում` վոկալի, դաշնամուրի եւ կիթառի բաժիններում: Հիմա սովորում է ջազ վոկալ երգչուհի Էմմա Ասատրյանի մոտ: -Երգել շատ եմ սիրում: Երգարվեստն ինձ շատ հարազատ է: Դժվարություններ էլ երգի ասպարեզում …

43-ամյա բրիտանացի Սթիվեն Շերիֆին 15 տարվա ազատազրկում է սպառնում Դուբայի բարերից մեկում անծանոթուհու հետույքը կճմթելու համար: Տղամարդը  հերքել է իրեն ներկայացված մեղադրանքը` ասելով, որ երբեւէ նման բան չէր անի, եւ հավանաբար կինը շփոթել է իրեն իսկական կճմթողի հետ: Դատարանը Շերիֆի գործով վճիռը կկայացնի հունիսի 5-ին:

Ավստրալական Քերնս քաղաքի Wicked Campers տուրիստական ընկերությունն առաջարկել է մերկանալ ցանկացող զբոսաշրջիկներին միկրոավտոբուսներով   անվճար տեղափոխել: Ընկերության կայքում գրված է. «Մերկացի՛ր ու ժպտա՛, եւ մենք կտրամադրենք անվճար ծառայություն»: Wicked Campers-ի տնօրեն Ջոն Լաֆթնը նշել է, որ շատ զբոսաշրջիկներ են հետաքրքրված այս յուրահատուկ առաջարկով, քանի որ ցանկանում են գումար տնտեսել:

Նյու Յորքի իշխանությունները ծրագրել են արգելել մեկ լիտրում 448 գր.-ից ավելի շատ սոդա եւ շաքար պարունակող ըմպելիքների վաճառքը: Նրանց այս ծրագիրը միտում ունի պայքարել դեռահասների շրջանում ճարպակալման դեմ: Այդ ըմպելիքները վաճառքից կհանվեն ռեստորաններից, կինոթատրոններից, մարզասրահներից եւ փողոցային կրպակներից: Քաղաքապետ Մայքլ Բլումբերգը նշել է, որ «սա հենց այն քայլն է, որը նյույորքցիներն ակնկալում էին քաղաքապետից»: Նշենք, …

Չեխ գիտնականները մի խումբ բրիտանացի հետազոտողների հետ համատեղ  բացահայտել են դեժավյու երեւույթի գաղտնիքը: Հետազոտական աշխատանքներում ներգրավված է եղել 113 մարդ, որոնց ուղեղը կառուցվածքաբանական ուսումնասիրության է ենթարկվել ճառագայթային անդրադարձի միջոցով: Հետազոտությունների արդյունքում պարզվել է, որ մարդու ուղեղում նյարդային գոյացությունների աշխատանքն ամենաուղիղ կապն ունի դեժավյուի զգացողության առաջացման հետ: Հայտնի է դարձել, որ ուղեղի այդ գոյացություններն ավելի փոքր …

Օրերս Նյու Յորքի Serendipity 3 ռեստորանում պատրաստվել էր աշխարհի ամենաթանկարժեք համբուրգերը, որը գնահատվել էր 295 դոլար ու անմիջապես գրանցվել Գինեսի ռեկորդների գրքում: Սակայն դրանից մի քանի օր անց Douche Burger ընկերությունը ներկայացրել է մեկ այլ` «666» համբուրգերը, որի գինը 666 դոլար է: Ուշագրավ է, որ միջին չափի համբուրգերի վերնամասում հնգաթեւ  աստղ է դաջված:

«Ժողովուրդ» օրաթերթը հետեւողական է իր հոդվածներում արծարծվող հարցերին եւ պարբերաբար տեղեկացնում է իր ընթերցողին խնդրի հետագա ընթացքի մասին: Երեկվա համարում քանդակագործ Լեւոն Թոքմաջյանի հետ հարցազրույցից պարզ դարձավ, որ քաղաքապետն անձամբ խոստացել է  տեղափոխել Կարաբալայի արձանը: Զանգահարեցինք պարոն Թոքմաջյանին՝ պարզելու, թե ինչպես լուծվեց խնդիրը. «Ինձ կանչել են քաղաքապետարան, որտեղ այսօր նիստ է տեղի ունենալու, եւ հստակ …

Հունիսի 2-4-ը Համազգային պետական թատրոնում կանցկացվի «Հազարան բլբուլ» մանկապատանեկան երաժշտական բեմադրությունների մրցույթ-փառատոնի երկրորդ փուլը: Առաջին փուլի ընթացքում պրոֆեսիոնալ ժյուրին արդեն ընտրել է Երեւանից, մարզերից ու Արցախից ներկայացրած երաժշտական բեմադրություններից լավագույնները: Մանկապատանեկան երաժշտական մրցույթ-փառատոնն առաջին անգամ է անցկացվում Հայաստանում: Հաղթողներին կհանձնվեն Գուրգեն Գադաչիկի հեղինակային աշխատանքները՝ որպես մրցանակ: Մրցույթ-փառատոնն անցկացվում է «Մշակութային կրթության աջակցություն» հիմնադրամի կողմից` ՀՀ …

Բոլոր ընթերցասեր երեխաներին տեղեկացնում ենք, որ այսօր` հունիսի 1-ին, «Բյուրոկրատ» գրախանութում տեղի է ունենալու «Հովհաննես Թումանյան. Հայ ժողովրդական հեքիաթներ» ռուսերենով աուդիոգրքի շնորհանդեսը` հրատարակված «Բյուրոկրատ» գրատան կողմից: Աուդիոգրքում կա 8 հեքիաթ, որոնք ընթերցվել են Աննա Հեքեքյանի եւ Սերգեյ Մաղալյանի կողմից: Այս նախաձեռնությունը շարունակվելու է. մոտ ապագայում կլինեն նաեւ հայերենով եւ  օտար լեզուներով ձայնագրքեր: