Հայաստանի Հանրապետության արդարադատության նախարար Արփինե Հովհաննիսյանը սեպտեմբերի 19-ին ընդունել է Հայաստանում դիվանագիտական առաքելությունն ավարտող Իրանի Իսլամական Հանրապետության արտակարգ և լիազոր դեսպան Մոհամմադ Ռեյիսին:
Նախարարը ողջունել է դեսպանին Հայաստանի Հանրապետության արդարադատության նախարարությունում և ընդգծել, որ Իրանի հետ բարիդրացիական հարաբերությունների հետագա զարգացումն ու խորացումը Հայաստանի Հանրապետության արտաքին քաղաքականության գերակա ուղղություններից մեկն է:
Արդարադատության նախարարը վստահություն է հայտնել, որ դիվանագիտական առաքելությունն ավարտելուց հետո ևս Մոհամմադ Ռեյիսին իր ավանդը կունենա երկու երկրների ու ժողովուրդների միջև հարաբերությունների խորացման հարցում:
Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Մոհամմադ Ռեյիսին շնորհակալություն է հայտնել հանդիպման համար, շնորհավորել Արփինե Հովհաննիսյանին արդարադատության նախարարի պաշտոնում նշանակվելու կապակցությամբ և հաջողություն մաղթել նրան հետագա գործունեության ընթացքում:
Անդրադառնալով երկու երկրների արդարադատության ոլորտում ունեցած համագործակցությանը՝ Մոհամմադ Ռեյիսին նշել է, որ դրանք զարգացող են և ներկայում էլ գտնվում են բարձր մակարդակի վրա:
Հանդիպման ընթացքում կողմերը քննարկել են երկու երկրների արդարադատության ոլորտում համագործակցության խորացմանը, իրավական փոխօգնության հետագա զարգացմանը վերաբերող մի շարք հարցեր:
.gif)
